開倉 / tutor仔

經過dept同梁或吳姓老師的開倉後，office個位變成咁，幾時先到我老細開倉呀！

－－－
arm arm睇到某網頁的人講大學懶人(＜大學，其實養了不少懶人 ＞by"思考")，大篇幅講tutor同員工，但就冇講lecturer，以下係我的意見：

大學就，無論每一系、每一科都必定有導師 (Tutor) 。

　　　　唔一定，少人take的科要lecturer自己做埋tutor

他們大都是碩士或博士學生，為了賺取外快而去作幫忙教授教書的工作。

　　　　理念上，唔算係外快(因為唔需要打稅ga haha)，係studentship

導師的工作全由該科目的教授決定，基本上離不開導修班 (Tutorial)，即是在正式課堂 (Lecture) 外以小組形式解答學生的問題。

　　　　wah，有d 無良department的tutor仔乜都要做，導師的工作並唔係仕叫該科教授決定(唔係所有響大學教的都係教授黎ga)

聘請導師本應是嚴格的挑選，個或許是有漏網之魚的關係，我卻見識了不少頹導師。

　　　　如果真是那麼嚴格，那真的有很多漏網之魚wor

一. 推卸工作
　　上學年，有一個科目教授安排了每個學生有一個私人導師 (Personal Tutor)，倒轉來說即是每位導師都有幾個專門指導的學生，那些學生如果有學習上的問題可以直接找那個導師。這本來是可以令導師的工作分配得更平均，不會出現很多學生經常找同一導師的問題，但是有導師卻直接了當的向學生推辭了。事源我的同學在學期初第一次去找他的私人導師，想問幾個問題，但卻得到以下回答：「同學，你是本科生 (undergraduate)，我是碩士生 (postgraduate)；你要讀書，我也要讀書；你要做功課，我也要做功課；你要考試，我也要考試。所以其實你很忙，我也很忙。平日如果沒有甚麼特別的情況，就請不要來找我了。」甚麼？這個一個導師應有的態度？他是否忘記了「我沒有薪水，但你收了薪水」的？

　　　　我仲係undergrad的時候冇遇過呢ｄ情況，但有同學聽過exactly相同的說話。如果有我的學生睇到我的blog的話，我應成你我唔講呢ｄ咁的說話，因為，我係唔讀書ga！

二. 各有各做
　　說回簡單一點的，導師最基本的工作是開導修班，通常他們會先將全年的工作分好，每人負責一部份，輪流授課。這樣的設定是沒有問題的，但是導師之間需要有適當的溝通、合作。曾經試過之前的導修班未能完成預定內容，但之後導師只管教他分配了的內容。由於這是數學科，中間跳了半課會令我們完全不明白新的內容，但那導師只管拿著筆記說：「我只負責教這些。」然後我們就像一班傻子似的，根本不明白他在教甚麼。到了下課後，心想可以再問清楚教漏的內容，但就在我們在翻筆記時他是早一步走了！只留下了一句：「我很趕時間。」雖說你是完成了你負責的導修部份，但這樣學生完全不明白，是否可以多解釋一下？導師之間是否應該多點溝通？

　　　　我熟悉的dept沒有這個practice，不便置評，但tutor的溝通真的...

三. 評核形同虛設
　　每學期末都會有對教授及導師的評核，我們想這次應該可以反映一下吧。對以上的導師，我們一些同學均給與不合格的分數，我更給了零分，在意見中亦有寫上不滿，但結果他們在第二學期仍然可以作導師。這樣評核究竟有甚麼作用？公道一點說，我也知道在一些學系中評核分數差的導師的確是不會再被錄用的，但在我的學系卻不見有這個情況。我覺得整個制度上好應該調整一下。

　　　　Evaluation對tutor是沒有多大作用的，對demonstrator就唔同。當然evaluation system又有其他問題的。但請勿因為tutor廢而唔揀佢，因為咁呢種tutor就因為無人揀佢的tutorials而唔駛做有錢收！！！

有什麼可以發生？

最終也勁起碰學術書了，但還是敵不過《周日床上的顧西蒙》。唉，已經睇左一半，那裏再有這種充滿智慧卻又如此有力地表示無力感的香港小說？為左唔咁快睇晒，昨晚拿起陳冠中的《香港三部曲》（好老土的書名）。已讀過首尾兩部曲，卻一直提不起勁看中間的那個中篇，冇諗過兩晚就睇晒百幾頁的小說。(那些所少女小說總是如此單薄，因為沒有看通看透人情世故的人是寫不到好小說的；但作者本人並不一定是世故的。)下面係其中一段，講的野係唔係不知幾咁真實，都話小說大部份都只不過係換左個名同時地ga la？

---

他們活在兩難中。有時候想想，人生苦短，青春易逝，不如及時行樂，嬉戲度日，但午夜夢迴，又怕浪費時間，蹉跎歲月，到頭來一事無成，晚景堪憐；一邊覺得自己玩後不夠徹底，為實務糾纏未能放縱盡歡，一邊怨自己未能盡力工作，經常貪逸樂而沒榨乾自己投入在事業上；同時盡做盡玩，有這樣精力的有幾人？要透支精力，就要做運動打坐，結果每天花時間去搞好身體使自己能減少休息時間換取多點時間去做去玩；還要記住不能暴飲暴，食否則前功盡廢；這時候有人會說，我們中國人講中庸之道，但大夥的問題正因為太中庸，想玩的東西太多沒有精力去玩，想做的事太多沒有時間去做。霧數煞。

陳冠中《香港三部曲》第二部<什麼都沒有發生>

太陽之下無新事，你期望有什麼可以發生？

My Life?

看清楚我的人生,請按這裡

鳴謝朋友G

一條友去旅行

After all，我唔一係個鐘意旅行的人，冇人鐘意拖住個箱/袋走圍走，當然唔果作比較長期的居留就唔同。最怕成日聽到D自己唔明的話，好怕有電話入的時候要同佢講：sorry，而家唔響香港(呢個絕對唔係一個型的舉動)，更怕返香港後好多野等住你做的感覺，同大家一樣，最怕要收拾心冇得玩。

關於旅行的目的
當然有時要去下旅行，無論你的原因係乜。最好係咩到方都去下，ideal係識下當地人，先知道當地文化啦。最怕以shopping心態去旅行。如果你對某個地方冇想像，咁去黎係浪費金錢同時間的姐。旅行最重要的係，要知道自己旅行的目的，帶住咩角度去旅行。

關於旅行的人數
一個人去旅行，重要的唔係勇氣而係錢，因為好多野會貴左(如果去危險d的地方，咁就兩樣都要啦)。我覺得，最perfect的係唔應該全程自己一條友，要有最少幾日有friend(老友或當地新相識都ok)一齊玩，成班人旅行同一個人旅行的體驗好唔同，某D地方總係適合幾個人去的。並且，我prefer用"一個人/一條友去旅行"，多過用"獨自去旅行"，因為一條友去旅行唔一定係孤獨的，如果唔係扮孤獨的話。

旅途中坐飛機同火車，成日有人問我：一個人去旅行？話題就咁就打開左lu哈哈！

一個人去旅行好玩的，就係幾乎可以自由控制晒所有野，可以鐘意去邊就邊，食乜就乜，訓覺就訓，唔駛就人，真係好free ga。但就因為咁free，就真係可以逼自己反省究竟自己喜歡咩野，同有冇能力一條友生活同解決問題。但最怕成日一條友去旅行的人，有時同男女友 or friend or 屋企人去旅行都好開心la，更怕抱住有艷遇的心態去旅行，去蘭桂坊唔係方便D咩？

關於旅行的行程
最怕事前plan實條route，若有時間，到當地先決定去邊，咁先就到當日、當地的feel同extra行程mar。當然，冇時間的話要plan定行程，否則一定睇少好多野。景點好多時冇乜特別，試問我地到羅浮宮都係志在Monalisa影張相，其他的有幾多野識睇？當然，有時要見識下世面的。

關於旅行的書藉、音樂
除非你旅行的目的係shopping，否則自由行真係要travel guide，否則好麻煩。但名牌《Lonely Planet》並唔係想像中咁好，唔係彩色不特止，地圖唔夠詳盡，景點介紹亦唔全面，勝在夠cheap，即係預左買呢本咁貴的書的人希望用最少budget去旅行。其他旅遊書要睇下。

其他唔係travel guide但關於一個地方或旅行的書都要睇下，志在增加對果個地方的想像例如而家幾hit的《帶一本書到巴黎》、陳逸飛的Vision系列、《住在巴特、桑塔格、本雅明的照片里》、《波希米亞中國》都係幾好的書。《大朝聖》呀、《帶著偏見去旅行》呢類的書太香港、太冇深度，同好明顯係寫得好快就寫成的書，唔係好值得買。去於余秋雨的《文化苦旅》，就你苦埋我果份啦。

MP3一定要帶，聽咩歌完全影響旅行的心情(因為冇乜其他野影響心情)。如果我由阿姆斯特丹坐車在布魯塞耳就一定聽《這麼遠那麼近》，咁望住飛過的幾十個小鎮、幾千里土地、幾千萬個人，就真係好型lar！哈哈

關於旅行的攝影
旅行到景點當然沒有問題，刻意不到景點反而造作。對於在景點前留影，從前並不介意，現在有點尷尬，總覺得響全球化時代，旅行時在景點影相係大鄉里出城(當然這是偏見而已)。只會是一班人的集體照或真很喜歡那個地方先影自己，所以我都俗套地響巴黎鐵塔留影左一張相。我覺得，旅行影相，就係要影低你對當地的感覺(尤其係好多所謂景點實在太過景點lar)，或者一D新奇的野，你以為我到巴黎就一定要影凱旋門，倫敦就只係得大笨鐘，哈哈，我就prefer影多D明信片搵唔到的景黎影lar！順便一提，最頂的相係由凱旋門影向新凱旋門，冇乜明信片有呢個景哈哈！


全個trip，就靠呢雞碎咁多。


落地倫敦後一條友轉到巴黎。咁多人響文西幅蒙羅麗紗面前影相，情況就同北京故宮個個湧向龍椅一樣，遊客永遠係破壞文物的凶手。 講真，蒙羅麗紗係應該有鬚的。


睇左幾十頁文西密碼就到羅浮宮，亦當然冇睇過雨果的《巴黎聖母院》就到巴黎聖母院，坐響度聽聖詩，莊嚴爆。不過我有聽張信哲的《到處留情》，禱告在聖母院，我的聖母沒有浮現...


到蒙特里墓園探訪Emile Durhkeim，搵左好耐都未搵到，想問人又唔知點問，因為明明涂生已經瓜左老柴，冇理由問人Where is Emile Durkheim？就響呢個時候有個女人問我：你搵邊個？我唔係黎搵人的，哈哈！


Durkheim的墓好難搵，個沙特長眠的地方就響路邊，好易搵，仲有好多人探佢tim。


龐比度頂樓，遠方是聖心堂，香港若有這樣一個地方就好。


龐比度展品，唔知老毛見到呢兩個communist codes會點諗呢？


地鐡廣告，唔知係日本妹定係中國娃娃呢？


新凱旋門。2330。白色。先進。男人。


巴黎的東京現代設計博物館(巴黎竟然會有個東京博物館！)入面的書店，又一次證明外國的月亮係圓少少的。


巴黎地鐡站，殘破不堪。


一幅有趣的圖畫。前面是一個白人勉強接受黑人的善意之手，後面是在歐洲的環境中為廣島祈禱。


因為唔知日落時間，所以響凱旋門呆等幾粒鐘，但呢位亞洲藉女士早過我到，仲遲過我走，企響巴黎鐵塔最挸的位成幾粒鐘，已經成左戀物的程度，哈哈。


巴黎之後是倫敦，這是大英博物館閱覽室，我應該到過呢個地方。


英國佬好公平，唔淨只搶中國人的野，連復活島的呢舊石頭都唔放過。入到大英博物館，就會感受到呢個曾經係日不落的國家係曾經幾強大。


Imperial War Museum入面講二戰太平洋戰區的展區，響外國睇返中國的"百年苦難"，唉，中國呀中國，點解你要現代化，做返一個無知的小農社會咪好lor。


港英必敗！冇錯，人係應該有夢的。


舊時王謝堂前鳥，飛入尋常百姓家。


嘩，你要響香港搵到呢個情景，係幾咁困難呢？



浪漫爆ga gwa。


兩個幾月前發生恐怖襲擊的King's Cross站，peace。


清兵心口都掛個勇字，但你見到呢個WE ARE NOT AFRAID，你又唔會覺得佢搞笑。


係整個trip第二最大的遺憾，因為仲未上畫，所以睇唔到《Love Actually》超靚女星做的《Pride and Prejudice》，香港都唔知有冇得上，unmissable呀！


Notting Hill的書店，she, maybe the reason i survive ...


睇完Phantom，用左41蚊雞睇musical《We will rock you》，再一次證明外國係圓好多的。


見到咁的巴士同的士，你就知你到左邊la。


倫敦的地鐡叫Tube，如果唔係全球化，有幾多人會知其他地方的地鐡叫乜？


突然好似返左香港。


果d飛站的火車行得好Q快，黃線後都感覺到氣壓的改變，physics的theory係arm的，如果走出黃線外，便被吸出去呀。


響小鎮北安普頓過左一晚，一條友到一個唔知乜地方的小鎮，地圖冇，指南針冇，錢就快冇，咩住個大袋，搵到第五間hostel/hotel先有得住，又被流浪漢凶，又到過police station，真係好辛苦，好彩當晚收到一個sms，完全證明存在主義的we are lonely but connected。一條友到一個唔知響咩地方的小鎮，真係人生一定要試的經驗，但一次就夠lar。


100年前的利物浦係英國的一個偉大的工業城市，但100年後，完全係一個declining city，條街乜人都冇，d餐廳6點就收(雖然我只夠錢到M記)，我能唔能夠響呢度留幾年？


閃靈！


利物浦唯一的好野，就係佢係披頭四的老家。


冇上到London Eye，這就是最大的遺憾lar！！！

多謝欣宜！

曾經，反對迪士尼需要大量數據和理論；
曾經，反對迪士尼需要一點勇氣；
曾經，反對迪士尼會被人以為你唱高調；
但我們真的要多謝欣宜，
反對迪士尼變得如此理直氣壯，無需再找原因
她令我們可以以吳彥祖"值得縱，值得寵"的口音大聲高呼：

Boycott Disneyland！

但那些打電話投訴欣宜的，請你當自己係吳卓羲，感同身受咁諗
別怪她，別怪她
她讓我們知道
肥婆也可以成為公主
迪士尼唔會以貌取人
豬扒都可以嘴王啓傑
鄭小姐仲勁過華特迪士尼本人
一次過實現左唔知幾多人的三個願望

別怪她，別怪她
我們應該多謝她！